MOMPELGARDUM

MOMPELGARDUM
Gall. MONTBELIARD, oppid. Sequanorum, cum titulo Comitatus, sub Duce ex familia Wurtenbergica. Comitatus hîc antiquissimis temporibus, cum Ferretano seu Pfirdensi, ut videtur, coniunctus, proprios Comites accepisse dicitur, circa A. C. 904. Sunt tamen, qui Fridericum Sueviae Ducem, patrem Friderici Imperatoris Comitatus istius auctorem faciant, ex cuius posteris Theodoricus II. vitâ functus circa A. C. 1270. nullâ superstite sobole, sororiis suis, Comiti atque Domino (utrique de Novo Castro, diversis locis, unius tamen nominis) litigandi materiam reliquit; quorum hic genero Reginaldo, Burgundiae Comiti, ob defensas adversus Comitem Novo Castrensem gnaviter partes, Comitarum tandem cessit. Huius filia Agnes Henrico de Monte Palcone nupta, eum Mariti familiae intulit: qui, occisô ad Nicopolim Henricô, huius nepote, A. C. 1395. tandem, nuptiarum ritulô, ad Wirtembergios devenit, quas cum Henrica, eius filiâ, Eberhardus iunior contraxerat. Vide Crusium, Munsterum, Chytraeum, laudatos Pfannero, de praecipuis Germ. Principp. gentibus, c. 7. et in voce Montisbelicardum.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.